Франция суд ҳокимияти 25 август, якшанба куни 39 ёшли Telegram асосчиси Павел Дуровнинг қамоқ муддатини яна 48 соатга узайтирган.

ОАВ маълумотларига кўра, Дуровни ҳибсга олиш тўғрисидаги ордер фирибгарлик, гиёҳванд моддалар савдоси, кибербуллинг, ташкилий жиноятлар, болаларга қарши жиноятлар, терроризмни тарғиб қилиш бўйича дастлабки тергов доирасида берилган.

Дуров 24 август куни кечқурун Ле Бурже аэропортида ҳибсга олинган. Журналистларнинг таъкидлашича, сўроқ қилиш учун ҳибсга олишнинг дастлабки даври максимал 96 соатгача давом этиши мумкин. Шунингдек, ушбу вақт ичида Дуров айбланиши ёки озод қилиниши керак.

Қайд этилишича, Франция ҳукумати ва ҳуқуқни муҳофаза қилиш органлари Дуровнинг ҳибсга олиниши ҳақида ҳали ҳам изоҳ бермаган.

• Дуров
• Fransiya
• Телеграм