“HET” АЖ Энергосавдо филиали ходимлари томонидан барча ҳудудларда мунтазам равишда энергия ресурсларидан оқилона фойдаланиш ва ноқонуний ҳолатларни аниқлаш ҳамда уларга барҳам беришга қаратилган рейд тадбирлари ўтказиб келинмоқда.

Фарғона вилоятида ўтказилган навбатдаги рейд тадбирларида Ёзёвон тумани ҳудудидаги “А.А.Ф” фермер хўжалиги томонидан иккиламчи (коммутатсион) кучланиш занжирларини қасддан узиб қўйиб, ҳисоблагичдан ташқари электр тармоғидан фойдаланиб келинганлиги аниқланди.

Ушбу ҳолат бўйича қайта ҳисоб-китоб қилинганда истеъмолчи томонидан 1 млрд 845 млн сўмдан ортиқ электр энергиясидан қонунга хилоф равишда фойдаланилаётгани аниқланган.

Мазкур ҳолат юзасидан тўпланган ҳужжатлар қонуний баҳо берилиши учун ҳуқуқни муҳофаза қилувчи идораларга юборилди.

• Электр энергияси
• Фарғона
• Qoidabuzarlik