РФ Украинанинг 9 май куни Москвага эҳтимолий ҳужумига қандай жавоб қайтарилишини маълум қилди.

Бу ҳақда Россия оммавий ахборот воситалари хабар бермоқда.

Шунингдек, Украина “дрон зарбаларидан жиддийроқ провокациялар тайёрлаётгани” даъво қилинмоқда.

Маълумотларга кўра, Путин Россия Мудофаа вазирлигига жавоб зарбалари учун нишонларни аниқлашни топширган, асосий нишон сифатида Киев танланган. Москванинг эҳтимолий жавоб чораси жуда кучли бўлиши, жумладан, “Орешник” тизими ҳам қўлланилиши режалаштирилмоқда.

Россиялик нашрлар, шунингдек, Киев 8-10 май кунларини ўз ичига олувчи уч кунлик сулҳ таклифини қабул қилмаслигига ишонмоқда.

Аввалроқ украиналик манбалар Украина Москвадаги парадга зарба беришга уринмаслигини, бироқ Россиянинг бошқа ҳудудларига ҳужум уюштириши эҳтимоли борлигини билдирган эди.

Шу билан бирга, Зеленский ва Ермак Қизил майдондаги парадга зарба берилиши мумкинлигига ишора қилган, лекин бу ҳақда аниқ баёнот бермаган.

• Путин
• Россия
• Украина
• Уруш