Зарбдор туманидаги “ДМ-1” каналидан сув ичадиган Истиқбол, Нурафшон, Намуна, Ғалаба маҳаллаларида сув тежовчи технологиялар жорий қилинса, деҳқонларнинг 1 минг гектар ерида, шунингдек, туман ёшларига бўлиб берилган 3 минг гектарда қовун етиштириш ва уни қайта ишлаш орқали 28 миллион доллар экспорт қилиш мумкин. Бу ҳақда Жиззахда Шавкат Мирзиёев раислигида ўтаётган йиғилишда маълум қилинди.

Қайд этилишича, Зарбдорни 12 минг гектар ерлари “ДМ-3” каналидан энг самарали бўлган ўзи оқар ёпиқ қувур усулида сув олишга мўлжалланган. Лекин унинг 160 километри яроқсиз ҳолга келган.

Мутасаддиларга канални таъмирлаш лойиҳасини келгуси йил инвестиция дастурига киритиш топширилган.

Шундай суғориш тармоғини Зомин туманига ҳам тортиб бориш муҳимлиги қайд этилган.

• Жиззах
• Президент