Маълумотларга кўра, Россиянинг Украина шарқидаги урушда йўқотган аскарлари сони қарийб ярим миллионга яқинлашган. Бу ҳақда “The Kyiv Independent” нашри маълум қилди.

Украина қуролли кучлари бош штаби Россия йўқотишлари билан боғлиқ янги рақамларни эълон қилган. Унга кўра, Москва кучлари 2022 йилнинг 24 февралидан бери Украинада 458 580 нафар аскарини йўқотган.

Манбага кўра, Россия кучлари 20 апрель куни Украина фронтида камида 750 нафар аскарини йўқотган. Москванинг кунлик йўқотишлари 500-700 нафар аскардан иборат эканлиги маълум қилинган.

Шунингдек, Россия бутун уруш давомида 7 213 та танк, 13 873 та зирҳли жанговар машина, 15 717 та автомобиль ва ёнилғи цистерналари, 11 678 та артиллерия тизимлари, 1046 та кўп мақсадли ракета тизими, 763 та ҳаво мудофаа тизими, 348 та ҳарбий самолёт, 329 та вертолёт ва 336 та кемасидан айрилган.

• Мудофаа
• Россия
• Украина
• askar