Oldinroq poytaxtda moratoriy talablariga toʻliq rioya etilmayotganligi, aholi tomonidan daraxtlarning kesilishi borasida koʻplab eʼtirozlar bildirilayotganligi, qonunchilikka amal qilinmasdan daraxtlarni kesishga yoki koʻchirishga qayta-qayta ruxsatnoma berilayotganligi sababli Toshkent shahar ekologiya boshqarmasi boshligʻining faoliyatiga xizmat tekshiruvi tayinlangani va u 2023-yilning 30-dekabridan 2024-yilning 1-fevraliga qadar ishdan chetlashtirilganini ma'lum qilgandik.

Bugun ijtimoiy tarmoqlarda, "Toshkent viloyati ekologlari O'zbekistonni qanday himoya qilmoqda?" sarlavhasi ostida bir necha hujjatlar e'lon qilindi.

Bu hujjatlarda 2022-2023-yillarga mo'ljallangan o'rmonlarni kesish uchun ruxsatnomalar aks ettirilgan. Hujjatlarda:

"4 Stroyupravlenie" MChJ - 528 ta daraxt;

"Discovery Invest" MChJ - 41 ta daraxt;

"Oksanagarantsement" AJ - 63 ta daraxt;

"Arena Cybersport" MChJ - 27 ta daraxtni kesishiga ruxsat berilgani aks ettirilgan. Shuncha ko'p daraxtlarni kesishga indamasdan ruxsat berilgani hayratlanarli. Ushbu ruxsatnomalarni tashkilot qanday sabablarga ko'ra oqlaydi? Aynan shu masala yuzasidan boshqarma tomonidan munosabat kutib qolamiz.

• Davlat ekologiya qo'mitasi
• Ekologiya