“Hududgaztaʼminot” AJ tomonidan aholi isteʼmolchilarining tabiiy gaz sarfi va xarajatlarini onlayn kuzatish imkonini beruvchi “Hudud Gaz Taʻminot” mobil ilovasi test sinovida ishga tushirildi”, – deya xabar bermoqda aksiyadorlik jamiyati matbuot xizmati.

Xabarda isteʼmolchilar ushbu ilovani Android hamda iOS operatsion tizimi qurilmalari orqali bepul yuklab olishlari mumkinligi va mobil ilova dasturi avtomatlashtirilgan holda yangilab borilishi aytilgan.

Mazkur ilova orqali isteʼmolchilar bevosita kunlik va oylik kesimida tabiiy gaz isteʼmolini kuzatib borish, xususan, gaz hisob raqamlariga toʻlov qilish hamda suyultirilgan gaz isteʼmolchilari oʻz hisoblarini toʻldirish va biriktirilgan ballonlar roʻyxatini koʻrib borish imkoniyatiga ega boʻladilar.

Ilovani yuklab olgandan keyin unga tegishli shaxsiy hisob raqami hamda One ID xizmati orqali ulanish mumkin.

• Hududgazta'minot
• ilova