“O‘zbekiston temir yo‘llari” AJ tomonidan O‘zbekiston Respublikasi Konstitutsiyasining 33 yilligi munosabati bilan yangi poyezd qo‘yilishi rejalashtirilgan.

Bu haqda “O‘ztemiryo‘lyo‘lovchi” AJ matbuot xizmati xabar bermoqda.

“Mazkur dizel poyezdi “Toshkent yo‘lovchi vagonlarini qurish va ta’mirlash zavodi” AJ va “O‘ztemiryo‘lyo‘lovchi” AJ shartnomasi asosida qurilgan bo‘lib, tarkibi 12 ta vagondan iborat, bundan 2 ta VIP, 4 ta biznes, 4 ta ekonom, 1 ta restoran va 1 ta dizel vagonlari bor. (Biznes-klass o‘rindiqlari yo‘nalish bo‘yicha o‘zgaradi). Hozirda poyezd mazkur yo‘nalishda sinovdan o‘tkazish jarayonida” deyiladi xabarda.

Poyezd harakat vaqti 6 soatdan iborat bo‘ladi va u 592 km masofani bosib o‘tishi rejalashtirilgan. Yangi dizel poyezdi sinovi yakunlangach, yaqin kunlarda yo‘lovchilarga foydalanish uchun topshirilishi kutilmoqda.

Vagonlarining  afzalligi sifatida yozda sovutish tizimi boshqa vagonlardan farqli ravishda poyezd to‘xtab turganda ham ishlashi  aytilmoqda.

• O‘zbekiston temir yo‘llari