Yo‘llarda avtomashinalar bilan sodir bo‘layotgan 1 700 dan ortiq voqea-hodisa tahlil qilinganda shu narsa  ma'lum bo‘ldiki, yuz beradigan halokatlarning asosiy sababi haydovchilarni boshqa yumushlar bilan chalg‘ishi ekan. Sizga taqdim etadigan dalil va raqamlar biroz o‘ylantirib, o‘zingizga bo‘lgan e'tibor va yo‘ldagi hushyorlikka sabab bo‘lsa, ne ajab.

Kimdir avtomashinaga zeb-ziynatli bir buyum sifatida qarasa, kimdir uni uzog‘ini yaqin qiluvchi eng yaxshi vosita, deb hisoblaydi. Ammo har ikki qarashli insonlar avtomashina ular uchun ham, piyodalar uchun ham kezi kelganda xavfli bir vositaga aylanishini yodlaridan chiqarishadi.  

Ho‘sh, qanday qilib avtohalokatlarning oldini olish mumkin? Amerikaning avtomashina assotsiatsiyasi (AAA Foundation for Traffic Safety) bu borada bir necha maslahat beradi. Ushbu fond amerikalik haydovchilarning (ular soni 1700 ta) avtomashinasiga videokameralar o‘rnatishdi, kameralardan biri yo‘l manzilini, yana biri esa mashina ichkarisini  tasvirga oldi. 

Ushbu tasvirlarni tomosha qilgan har qanday odam, axir bular yoshlar bo‘lsa, albatta, xatoga yo‘l qo‘yishlari tabiiy-da, deyishga shoshilmasinlar, chunki tasvirlar xuddi o‘zlarida ham sodir bo‘lgan mana shunday “odatlar” borligini namoyon etishi aniq.  

Statistik ma'lumotlar avtohalokatlar sababini quyidagicha ko‘rsatmoqda: 

• Haydovchini yo‘lovchilar chalg‘itganda — 15 foiz;
• Avtomashinani boshqarish chog‘ida mobil telefondan foydalanilganda — 12 foiz;
• Avtomashina salonidan nimanidir qidirganda — 10 foiz;
• Atrofdagi voqea va hodisalarga e'tibor berganda — 9 foiz;
• Boshqaruv chog‘ida raqsga tushish yoki qo‘shiq ko‘ylaganda — 8 foiz;
• Bezanish, o‘ziga oro berganda — 6 foiz;
• Avtomashinani boshqarish paytida biror narsaga qo‘l cho‘zib ko‘rganda — 6 foiz.

O‘rnatilgan kameralarda haydovchi atigi 6 soniya telefonda so‘zlashadi, haydovchi 4 soniyagina boshqaruvdan chalg‘iydi, ammo mana shu 4 soniya avtohalokatga sabab bo‘ladi.  

Shu sababli boshqaruv chog‘ida har narsaga chalg‘imaslik, telefonda so‘zlashmaslik doimo ta'kidlanadi. Yo‘l va manzillar yosh tanlamaydi, qoidalar ham! Haydovchilik guvohnomasini qachon olganingizni ahamiyati yo‘q, eng muhimi diqqatli bo‘lish! Istagimiz, manzilingiz bexatar bo‘lsin!