2021 йилда меҳнатни муҳофаза қилиш тўғрисидаги қонунчилиги бузилиши оқибатида инсон ўлими билан боғлиқ жами 200 тага яқин ҳолат қайд этилган.

Бу ҳақда Бандлик ва меҳнат муносабатлари вазирлиги ахборот хизмати раҳбари Мавжуда Мирзаева маълум қилди.

Қайд этилишича, ўтказилган текширишлар давомида 19 967 та меҳнатни муҳофаза қилиш тўғрисидаги қонунчилиги бузилиши аниқланган (2020 йилда – 11 621 та) бўлиб, 1 970 нафар айбдор шахсга жами 3 млрд 340 млн. сўм миқдорида жарима қўлланилган.

Шунингдек, ишлаб чиқариш билан боғлиқ 810 та булардан 54 та гуруҳий бахтсиз ҳодисалар, 558 таси оқибати оғир бахтсиз ҳодисалар ва 198 таси оқибати ўлим билан тугаган бахтсиз ҳодисалардир.

Ишлаб чиқаришдаги бахтсиз ҳодисалар натижасида 907 киши жароҳатланган, улардан 238 нафари ҳалок бўлган, 632 нафари оғир тан жароҳатини олган ва 37 нафари – енгил турдаги жароҳатлар олган бўлиб, бахтсиз ҳодисаларни текшириш натижалари бўйича 596 нафар айбдор мансабдор шахслар жами 1 млрд 380,9 млн. сўм жарима қўллаш тартиби бўйича маъмурий жавобгарликка тортилган ва 199 нафар мансабдор шахсга нисбатан жиноий иш қўзғатилган.

• Меҳнат
• Меҳнат_вазирлиги