2024 йилда фармацевтика маҳсулотларини ишлаб чиқаришни 4,6 трлн сўмга етказиш, умумий қиймати 200 млн долларлик маҳсулотларни экспорт қилиш режалаштирилмоқда. Бу ҳақда Фармацевтика тармоғини ривожлантириш агентлиги ахборот хизмати раҳбари Севара Тўлаганова маълум қилди.

Бундан ташқари:

- қиймати 152,5 млн долларлик 28 та лойиҳани фойдаланишга топшириб, 1 478 та янги иш ўрни яратиш;

- 430 та дистрибьютор корхоналарда GDP, 7 700 та йирик тармоқли дорихоналарда GPP талабларини жорий этиш;

- “Ташкент Pharma Park” фармацевтика кластерининг Технопарк қисми Маъмурий биносида қурилиш ишларини якунлаш ва фойдаланишга топшириш;

- кластернинг саноат зонасидаги 65 млн долларлик 2 та лойиҳани ишга тушириш;

- “Биотехнологиялар кластери” лойиҳасини бошлаш;

- кластернинг 2030 йилга қадар ривожланиш стратегиясини ишлаб чиқиш;

- Фармацевтика техник университетида 2024-2025 ўқув йили бўйича таълим жараёнларини бошлаш мақсад қилинган.

- Қайд этилишича, маҳаллий экспортбоп маҳсулотлар каталоги тайёрланиб, ўзбек брендини хорижий давлатларда илгари суриш бўйича “Pharm Site” онлайн тизими ишга туширилди.

• Фармасевтика
• Лойиҳа