Бугун, 12 январь куни соат 12:00 дан 18:00 гача Чилонзор туманининг катта қисмида таъмирлаш ишлари олиб борилиши сабабли электр таъминоти вақтинча ўчирилиши эълон қилинди.

Вақтинчалик чора узоқ вақт давомида фойдаланишда бўлган электр таъминоти кабелларини, трансформаторларни модернизация қилиш ҳамда шу орқали истеъмолчиларга сифатли ва барқарор электр энергияси етказиб берилишини таъминлаш, электр тармоқларидаги авариявий ҳолатларнинг олдини олиш мақсадида амалга оширилаётгани айтилади.

Қайд этилишича, Чилонзор туманидаги - АТС-277, 126, 127, “Новза”, “Ориент Финанс Банк” Чилонзор филиали ҳамда “Ўзсаноатқурилишбанк” банки, “Роҳат” меҳмонхонаси, “Ўзенергосозлаш” УК, “Сезам” радиоканали, “Минор” киностудияси, Чилонзор тумани давлат солиқ инспекцияси, “Интер Капитал” ҚК, “Навбаҳор Саноат” МЧЖ, Геодезия ва картография миллий маркази, Бозор ислоҳотлари институти, Болалар шифохонаси, Ғафур Ғулом номидаги маданият ва истироҳат боғи, Чилонзор тиббиёт коллежи, Тошкент тиббий диагностика маркази, Академик В.Воҳидов номидаги Республика ихтисослаштирилган жарроҳлик маркази, Нафис Санъат лицейи, Чилонзор туман ҳокимлиги, Мусиқий комедия театри (оперетта), Санитария-эпидемиология станцияси ҳамда “Иссиқлик электр станциялари” АЖ, шунингдек, Чилонзор “C” мавзеси, 3-6-мавзелар, “Гавҳар”, “Дўмбиробод”, “Катта Дўмбиробод”, “Наққошлик”, “Қозиробод”, “3-Катта Чилонзор” ҳамда “Катта Навбаҳор” МФЙларининг кўчалари вақтинчалик электр таъминотидан узилади.

• Chilonzor
• Электр энергияси
• Тошкент