Вакиллар палатаси собиқ спикери Ненси Пелоси Бош вазир Бенямин Нетаняхуни истеъфога чиқиши кераклигини айтди. Бу ҳақда “NBC News” хабар берди.

“Биз Исроилнинг ўзини ҳимоя қилиш ҳуқуқини тан оламиз. Биз Нетаняхунинг сиёсати ва амалиётини рад этамиз, у даҳшатли. Унинг жавобан қилган ишларидан ҳам ёмонроқ нима бўлиши мумкин?”, - дейди Пелоси “Six One News”га берган интервьюсида.

“У истеъфога чиқиши керак. У охир-оқибат жавобгар”, - дея қўшимча қилди у.

Нетаняхуни тинчликка тўсиқ сифатида қарайсизми, деган саволга Пелоси шундай жавоб берди: “У тинчликдан қўрқадими, тинчликка қодир эмасми ёки шунчаки тинчликни хоҳламайдими, билмайман. Лекин у икки давлат ечимига тўсиқ бўлиб келган”.

• Binyamin Netanyaxu