Мухбар, 1955 йил 1 сентябрда туғилган, худди Раисий сингари, олий раҳбар Али Хоманайига яқин инсон саналади. 2021 йилда Раисий президент этиб сайланганида Мухбар биринчи вице-президент бўлади.

Мухбар, октябр ойида Москвага ташриф буюрган Эрон расмийлари гуруҳининг бир қисмида бўлган ва Россия ҳарбийларига ракеталар ва учувчисиз дронларни етказиб беришга рози бўлган, дея хабар беради Реутерс манбалари.

Маълумотларга кўра, Мухбар аввал олий раҳбарга алоқадор “Сетад” инвестиция фондини бошқарган.

2010 йилда Европа Иттифоқи Мухбарни “ядро қуроли ёки баллистик ракеталар билан боғлиқ фаолият”га алоқадорликда гумон қилиб, санкция қўйилган жисмоний ва юридик шахслар рўйхатига киритади. Икки йилдан сўнг у рўйхатдан ўчирилади.

2013 йилда АҚШ Молия вазирлиги “Сетад” ва у назорат қиладиган 37 та компанияни санкцияланган ташкилотлар рўйхатига киритади.

Сетад – Имомнинг буйруғини бажариш штаб-квартираси бўлиб, Ислом Республикаси асосчиси, Хоманайининг ўтмишдоши Оятуллоҳ Руҳуллоҳ Ҳумайнийнинг буйруғи билан ташкил этилган. Жамғарма ходимларига 1979 йилги Ислом инқилобидан кейинги хаос йилларида ташлаб қўйилган мол-мулкни сотиш ва бошқариш ҳамда тушган маблағнинг катта қисмини хайрия ишларига йўналтириш топширилган.

• Авиаҳалокат
• Eron
• Ibrohim Raisiy