Мактабгача ва мактаб таълими вазирлиги томонидан “Мирзо Улуғбек” онлайн мактаби ташкил этилди. Бугун, 12 октябрь куни мазкур мактабларнинг очилиш маросими бўлиб ўтди.

Онлайн мактаб доирасида Жиззах вилояти, Фориш тумани 7-сонли, Самарқанд вилояти Қўшрабод тумани 70-сонли ва Сурхондарё вилояти Денов тумани 62-сонли мактаблари синов тариқасида танлаб олинди.

Хабарга кўра, мазкур мактабларда юқори синф ўқивчилари математика ва инглиз тили фанларидан қўшимча таълим олишади.

“Ушбу онлайн мактабни ташкил қилишдан мақсад Республиканинг чекка ҳудудлари ва тоғли жойларда таълим сифатини ошириш ҳамда ушбу ҳудудларда истиқомат қилаётган истеъдодли ёшларни қўллаб-қувватлашдан иборат”, – дейилади хабарда.

Мазкур лойиҳа тест-синов жараёнида ижобий натижалар олингандан сўнг, Республиканинг бошқа тоғли ва чекка ҳудудларидаги таълим муассасаларида жорий этилиши режалаштирилган.

• Жиззах
• Мактаб
• Maktabgacha va maktab ta'limi vazirligi
• Мирзо Улуғбек
• Самарқанд
• Сурхондарё