25 сентябрь куни Вена шаҳридаги «Эрнст Хаппел» стадионида УЕФА Миллатлар лигаси «А» лигаси 1-гуруҳи 6-тур учрашуви доирасида Австрия ва Хорватия терма жамоалари тўқнаш келишди.

Унда Хорватия 3:1 ҳисобидаги ғалабага эришди ва терма жамоанинг голларидан бирига Лука Модрич муаллифлик қилди.

Бу гол хорватга ўз мамлакати терма жамоаси сафида тарихий натижа қайд этиш имконини берди.

Гап шундаки, Модрич Хорватия терма жамоаси сафида гол урган тарихидаги энг кекса футболчига айланди.

Ярим ҳимоячи 37 ёшу 16 кунлигида рақиб дарвозасини ишғол этди. Олдинги ёш рекорди Нико Ковачга тегишли бўлиб, у 36 ёшу 327 кунлигида гол урган.

Қайд этиш мумкин, Хорватия терма жамоасининг кечаги ўйиндаги қолган иккита голига Марко Ливая ва Деян Ловрен муаллифлик қилишди. Австрияликлар сафида Кристоф Баумгартнер мезбонлар учун ягона бўлган голни урди.

• Футбол
• Лука Модрич
• терма жамоа
• Yevropa Millatlar Ligasi