Германиянинг Котбус шаҳри мезбонлик қилаётган спорт гимнастикаси бўйича Жаҳон кубогининг иккинчи босқичида навбатдаги саралаш баҳслари ўтказилади.

Биринчи кун якунига кўра, Ўзбекистон терма жамоаси аъзоларидан фақатгина Оксана Чусовитина финал йўлланмасини қўлга киритди. Юртдошимиз эртага, 24 февраль санасида ўзининг севимли таяниб сакраш дастурида медаллар учун кураш олиб боради.

Бугунги беллашувлар доирасида иштирок этадиган спортчиларимиз ва уларнинг йўналишлари билан танишинг:
Расулжон Абдураҳимов: брус;
Дилдора Арипова: эркин машқ ва тўсин;
Одина Робижонова: эркин машқ ва тўсин.

Оксана Чусовитина 1975 йил Бухорода туғилган ва дунё бўйича 8 олимпиада ўйинларида қатнашган ягона гимнастикачидир. Спортчи 1992 йил Барселонада ўтказилган олимпиадада олтин, 2008 йилги Пекин Олимпиадасида кумуш медални қўлга киритган. Ўтган йилги Бокуда ўтказилган жаҳон кубоги мусобақасида кумуш медални қўлга киритган.

• Спорт