Болгарияда бокс бўйича “Strandja” халқаро турнирида финал йўлланмасини қўлга киритган боксчилар номи аниқланди. Мусобақанинг ярим финал баҳсларида Ўзбекистон терма жамоасининг 14 нафар боксчиси 12 та вазнда рингга кўтарилди.

Жумладан, ярим финалда Сабина Бобоқулова, Хўжаназар Нортожиев, Шаҳзод Музаффаров, Абдумалик Ҳалоков, Адҳамжон Муҳиддинов, Иқболжон Холдоров, Фазлиддин Эркинбоев ва Жаҳонгир Зокиров каби чарим қўлқоп усталаримиз ўз вазн тоифаларида ғалаба қозонган ҳолда финалга йўл олди.

Шунингдек, Ҳуморабону Мамажонова, Асилбек Жалилов, Ҳасанбой Дўсматов, Дилшод Абдумуродов, Фазлиддин Эркинбоев ва Самандар Жалолов ўз вазнида турнирнинг бронза медалига эга чиқди.

• Спорт
• musobaqa