Ўзбекистон Республикасининг Афғонистонда хотин-қизларнинг давлат ва хусусий олий ўқув юртларида таълим олишига тақиқ қўйилгани бўйича позицияси қандай? Ташқи ишлар вазирлигига кўра Ўзбекистон ушбу хабарни чуқур ташвиш билан қабул қилган.
“Афғон халқининг тинч ва фаровон келажакни барпо этиш йўлидаги интилишларини қўллаб-қувватлашга қаратилган қатъият белгиси сифатида ушбу қарор қайта кўриб чиқилишига умид қиламиз”, – дейилади хабарда.
Аввалроқ, Толибон томонидан аёлларнинг мамлакат олий таълим муассасаларида ўқишини тақиқлашга Афғонистондаги талаба қизлар ҳижоб ўрамагани сабаб бўлгани ҳақида хабарлар тарқалган эди.
Мамлакат олий таълим вазири Нада Муҳаммад Надимнинг фикрича, университет ётоқхонасидаги қизлар ва вилоятлардан ўқишга келганлар эркак ҳамроҳсиз ҳаракатланган. Шунингдек, у олийгоҳларда аёллар ва эркакларга аралаш ҳолатда дарс ўтилгани, айрим қизлар эса “исломга зид” факултетларда ўқиганини сабаб сифатида кўрсатган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!