Вазирлар Маҳкамасининг қарори билан IT-Парк Университй ташкил этилади. Бу ҳақда Телеграмъдаги “Нигоҳ” канали хабар берди. 

Қайд этилишича, университет масъулияти чекланган жамият шаклидаги ахборот технологиялари соҳалари бўйича кадрлар тайёрловчи нодавлат олий таълим ташкилоти ҳисобланади. Университетда таълим фаолияти 2022/2023 ўқув йилидан бошланади. Талабаларни ўқитиш тўлов-контракт асосида амалга оширилади.

Шунингдек:

• таълим жараёни кредит-модул тизими асосида ташкил этилади;
• университетда ўқитиш ахборот-коммуникация технологияларидан ҳамда интернет жаҳон ахборот тармоғидан фойдаланган ҳолда масофавий таълим шаклида олиб борилади, шунингдек, Таълим тўғрисидаги қонунга мувофиқ бошқа таълим шаклларида ҳам амалга оширилиши мумкин;
• битирувчиларга Ўзбекистонда олий таълим тўғрисидаги ҳужжат сифатида тан олинадиган университет томонидан белгиланган намунадаги диплом берилади.

• IT
• Ўзбекистон
• Таълим
• Университет