Ўзбекистонликлар Мустақиллик байрами муносабати билан кетма-кет 4 кун дам олади. Боиси, қўшимча дам олиш кунлари 2024 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисидаги президент фармонида белгиланган.

Президент фармонига биноан:

31 август, шанба — 6 кунликлар учун қўшимча дам олиш куни, 5 кунликлар учун одатий дам олиш куни;

— 1 сентябрь, якшанба — Мустақиллик байрами;

— 2 сентябрь, душанба — барча учун дам олиш куни (Меҳнат кодексининг 208-моддасига биноан байрам якшанбага тўғри келса, дам олиш куни душанбага кўчирилади);

— 3 сентябрь, сешанба — барча учун қўшимча дам олиш куни ҳисобланади.

Эслатиб ўтамиз, 31 август, шанба куни олти кунлик иш ҳафтасида ишлайдиган ходимлар ишдан 1 соат вақтли кетиши мумкин. Чунки Меҳнат кодексининг 187-моддасига биноан ишланмайдиган байрам кунлари арафасида ҳар кунлик ишнинг давомийлиги барча ходимлар учун камида 1 соатга қисқартирилади.

• Mustaqillik