Қўшма Штатлар президенти Доналд Трамп Осиё, Африка ва Лотин Америкасидаги 12 та давлат фуқароларининг АҚШга киришини тақиқловчи, шунингдек, яна етти давлат фуқаролари учун эса чекловлар кўзда тутилган фармонни имзолади.

Оқ уй хабарига кўра, Афғонистон, Мянма, Чад, Конго Демократик Республикаси, Экваториал Гвинея, Эритрея, Гаити, Эрон, Ливия, Сомали, Судан ва Яман давлатлари фуқароларининг Қўшма Штатларга кириши тақиқланади. Тақиқ 9 июндан кучга киради.

Бурунди, Куба, Лаос, Серра-Леоне, Того, Венесуэла ва Туркманистон фуқароларининг АҚШ ҳудудига кириши чекланади.

Доналд Трамп бундай тақиқни ўзининг биринчи президентлик муддати давридаёқ жорий қилган эди. бу 2017 йилда Трамп президент лавозимини эгаллаганидан кейинги илк қарорларидан бири бўлган.

Ўшанда у Ливия, Сурия, Яман ва Сомалидан фуқароларининг АҚШ чегарасидан ўтиш ҳуқуқини бекор қилган эди. Кейинчалик рўйхатга Шимолий Корея, Венесуэла ва Чад ҳам қўшилган.

Мазкур тақиқ бир неча бор судларда кўриб чиқилган, ўзгартирилган, бироқ охир-оқибат ўз кучини сақлаб қолган, АҚШ Олий суди уни конституцияга мувофиқ деб топган.

• АҚШ
• Трамп
• тақиқ