Бугун, 2025 йил 5 июнь куни Ўзбекистон миллий терма жамоаси ЖЧ–2026 Осиё саралаш босқичи доирасидаги навбатдаги ҳал қилувчи баҳсда Бирлашган Араб Амирликлари (БАА) терма жамоасига қарши майдонга тушади. Учрашув БААда Тошкент вақти билан соат 21:00 да бошланиши режалаштирилган.

Бугунги ғалаба билан Ўзбекистон миллий терма жамоаси ўз тарихида илк бор ЖЧ чемпионати йўлланмасига эга бўлиши мумкин.

Ўзбекистон ва БАА терма жамоалари шу пайтгача 11 марта тўқнаш келишган. Статистикага назар ташлайдиган бўлсак, Ўзбекистон терма жамоаси устунликка эга:

Ўзбекистон ғалабалари – 5 та;

БАА ғалабалари – 4 та;

Дуранг – 2 та.

Умумий тўплар нисбати: 14–10, Ўзбекистон фойдасига.

Жамоалар ўртасидаги сўнгги учрашув 2024 йил 15 октябрда Тошкентда “Бунёдкор” стадионида бўлиб ўтган эди. Унда Ўзбекистон терма жамоаси минимал 1:0 ҳисоби билан ғалаба қозониб муҳим 3 очкога эга бўлган.

Маълумот учун, ўша баҳсда Ўзбекистон миллий жамоасини Сречко Катанес бошчилигидаги мураббийлар штаби майдонга олиб чиққан. Бугун жамоа Тимур Кападзе билан ЖЧ-2026 йўлланмаси учун жуда яқин. БАА – Ўзбекистон учрашувидаги дуранг ҳам меҳмонларнинг мундиал йўлланмасига эгалик қилиши учун етарли бўлади.

• БАА
• Футбол
• Жаҳон чемпионати
• Ўзбекистон