Самарқандда 2,2 млрд сўм кредит маблағларини ўзлаштирган МЧЖ раҳбари аниқланди. Бу ҳақда Иқтисодий жиноятларга қарши курашиш департаменти хабар берди.

Қайд этилишича, Департаментнинг Ургут туман бўлими томонидан терговга қадар текширув ўтказилган. Унда “Z.B.” МЧЖ раҳбари Р.Э. аҳолини сифатли озиқ-овқат маҳсулотлари билан таъминлаш мақсадида банк муассасасидан 2,2 млрд сўм имтиёзли кредит олган. Аммо картошка маҳсулотини импорт қилмасдан ушбу маблағларни ўзлаштириб, талон-торож қилган. Шунингдек, 497,9 млн сўм солиқларни тўлашдан бўйин товлаганлиги ҳам аниқланган.

Ҳозирда мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 184-моддаси (солиқлар ёки йиғимларни тўлашдан бўйин товлаш) билан жиноят иши қўзғатилиб, тергов ҳаракатлари ўтказилмоқда.

• Жиноят
• Кредит
• oziq-ovqat