Ўзбекистон ташқи ишлар вазири Владимир Норов ўзининг твиттер саҳифасида Толибон ҳукуматининг мамлакат олий ўқув юртларига қабул квоталарини қарийб 70 фоизга оширилиши ҳақидаги қарорига юқори баҳо берди.
Норовнинг қайд этишича, 2021 йилда Афғонистондаги ОТМларга қабул квотаси 68 минг нафарни ташкил қилган бўлса, жорий йилда бу кўрсаткич 115 мингга етказилган.
“Умид қиламанки, қизлар ҳам олийгоҳларда ўқиш учун тенг ўринлар билан таъминланади”, – дея ёзган Владимир Норов.
Қайд этиш мумкин, Афғонистонда бугун, 6 октябр куни олийгоҳларга кириш имтихонлари бўлиб ўтади. Унда 12-синфни тамомлаган 160 минг нафар битирувчи қатнашади. Улардан юз минг нафардан ортиғи олийгоҳларга қабул қилинади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!