Конгода маймунчечак эпидемияси эълон қилинди. Соғлиқни сақлаш вазири Гильберт Мококининг сешанба куни берган баёнотига кўра, ўлим қайд этилмаган. Бу ҳақда "Reuters" хабар берди.

Таъкидланишича, мамлакатда 19 та касаллик ҳолати тасдиқланган. Аҳолига ҳайвонларга яқинлашмаслик шарти эълон қилинган. 

Канадалик тадқиқотчилар Конгонинг шарқий қисмида “пандемияга мойил” бўлган маймун чечагининг хавфли янги турини аниқлаган.

Олимлар ушбу турдаги вирус одамлар орасида, асосан, жинсий алоқа орқали тарқалиши ошганини айтган. Тадқиқотчилар янги штаммнинг баъзи мутациялари мавжуд тестлар билан аниқланмаслигини таъкидламоқда.

Шунингдек, мутахассислар жараёнга аралашилмаса, касаллик миллий ва халқаро миқёсда тарқалиши мумкинлигини маълум қилган.

• Касаллик
• Kongo
• Маймун чечаги