Кузатганимиздек, сўнгги кунларда аҳолидан ҳароратининг кўтарилиши, йўтал белгилари билан чақирувлар сони ортган. Шу сабабли “103” хизматига эрталаб соат 06:00 дан 14:00 гача пойтахт шифохоналарида захирада бўлган 40 та автомашина қўшимча ажратилган.
Шунингдек, жорий йил 25 ноябрдан вазирлик томонидан тез тиббий ёрдам хизматига 29 та тўлиқ жиҳозланган “Исузу” русумдаги автомашиналари тиббий бригадалар билан доимий фойдаланиш учун ажратилиши айтиб ўтилди.
Яна бир масала. Бугунги кунда пойтахтимиздаги 12 та кўп тармоқли марказий поликлиника ва 72 та оилавий поликлиникада эрталаб соат 8:00 дан кечки 20:00 гача бўлган муддатда чақирув бўйича тиббий бригадалар фаолияти йўлга қўйилган.
Мазкур бригадалар “103” хизмати ходимлари томонидан кўрикдан ўтказилиб, уйда қолдирилган ёки шифхонага ётқизилмасдан уйга қайта олиб келинган ва амбулатор шароитда даволанаётган беморлар рўйхати аниқланиб, кўрсатма асосида онлайн ва жойига чиққан ҳолда тиббий ёрдам кўрсатилмоқда.
Сўнгги кунларда учраётган касалликлар сабаб, Зангиота-1 юқумли касалликлар шифохонаси ўткир респиратор вирусли инфексияларга чалинган болалар учун ажратилган ўринлар сонини 300 тадан 500 тага оширган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!