Жануби-Шарқий Осиёдаги кўплаб мамлакатларда жазирама иссиқ туфайли мактаблар вақтинча ёпилди. Бу ҳақда “Анадулу” хабар берди.

“Gulf Today” газетасининг ёзишича, Ҳиндистоннинг Керала штати ҳукумати штатдаги мактабларни 6 майгача ёпишга қарор қилган. Ҳиндистон метеорология департаменти ўтган ой Кералада бешта иссиқлик тўлқини қайд этилганини айтган.

Қайд этилишича, тўлқинлар минтақада етарлича бўронларнинг йўқлигига ва мамлакат жануби-шарқий қирғоқларида антисиклоник айланишга сабаб бўлган.

“НБC News” хабарига кўра эса, ҳарорат 37 даражадан ошган. Бундан ташқари, Бангладешда ҳам таълим тўхтатилган. Мамлакатда 33 миллионга яқин бола мактабга боролмайди. Камбоджада давлат мактаблари ўқитишни кунига 2 соатгача қисқартиришга чақирилган. Ҳарорат хавфли даражага етган Филиппинда эса ўқиш 4 кунга тўхтатилган. Пойтахт Манилада ҳаво ҳарорати 37 даражадан ошиши мумкин. Сингапур обсерваторияси раҳбари Бенжамин Хортон ҳаво ҳароратининг кўтарилиши муаммосига узоқ муддатли ечим топиш муҳимлигини таъкидлаган.

“Биз иссиқхона газлари эмиссияси муаммосини ҳал қилишимиз керак”, деди у.

Кералада 29 апрель куни иссиқ уришдан икки киши ҳалок бўлган. Штатда ҳаво ҳарорати меъёрдан 5,5 даражага кўтарилиб, 41,9 даражага етган.

Аниқланишича, Ҳиндистон рекорд даражадаги энг иссиқни апрель ойини бошдан кечирган. Анормал иссиқлик туфайли жами 9 киши ҳалок бўлган.

• Осиё
• issiq