Бош прокуратура ҳузуридаги Департаментнинг Яшнобод туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилди.

Унда фуқаро «С.Г.» МЧЖ бош ҳисобчиси Е.К. тижорат банки филиалидан банк-клиент дастуридан фойдаланиш учун ушбу МЧЖга берилган электрон калитдан фойдаланиб, ойлик иш ҳақидан ташқари қўшимча 3,9 млрд сўмини ўзига аванс сифатида ҳисоблаб, банк пластик картасига ўтказиш йўли билан талон-торож қилгани аниқланган.

Маълум қилинишича, мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.

• Бош прокуратура
• Тадбиркорлик
• Талон-тарож
• Яшнобод тумани