Жорий йилнинг 17 май куни “Ўзбекистон республикаси товар-хомашё биржаси фаолиятининг 2024 йил 1 чорак якунлари” мавзусида матбуот анжумани бўлиб ўтди.

Унга кўра, Ўзбекистонда 2024 йилнинг биринчи чорагида товар-хомашё биржасининг савдо тизими орқали 212,2 млрд сўмлик 52,6 мингдан зиёд авторақамлар сотилган. Авторақамларнинг сотуви сон ва ҳажми бўйича 3,2 баробарга ўсган.

Бундан ташқари, анжуманда товар-хомашё биржасида 87 минг дона автомобил рақамлари 396,1 млрд сўмга сотилгани айтиб ўтилди. Энг қиммат “чиройли” давлат рақами эса юридик шахсга 450 млн сўмга сотилган, ўшанда бу нарх 2021-йилда ўрнатилган рекорддан бироз ошганди.

• Матбуот анжумани
• Тошкент
• авторақам