АҚШнинг сайланган президенти Доналд Трампнинг жамоаси амалдаги Америка маъмурияти ва Украина расмийлари билан мамлакатдаги можарони тугатиш бўйича музокаралар олиб бормоқда. Бу ҳақда манбаларга таяниб NBC News хабар берди.

Маълумотларга кўра, Трампнинг маслаҳатчилари ва унинг маъмуриятига номзодлар келишув режасининг аниқ тафсилотларини ҳали тақдим этмаган.

“Трамп ҳақиқатан ҳам президентлигининг илк кунида сулҳга эришишга жиддий ёндашади”, – дея келтирмоқда телеканал манбалардан бирининг сўзларини.

Манбаларнинг таъкидлашича, АҚШ президентининг миллий хавфсизлик бўйича ёрдамчиси Жейк Салливан бу лавозимдаги вориси Майк Уолтс билан бир нечта суҳбатлар ўтказган. Улар фақат маълумот алмашишга эътибор беришган, можарони тугатиш ёки сулҳ тузиш стратегиясини муҳокама қилмаган.

Аввалроқ, Франциянинг Paris Match журналига берган интервьюсида Трамп Украинадаги можарони ҳал қилишни ўзининг устувор вазифаси деб атаган эди.

• АҚШ
• Музокара
• Трамп
• Украина