10 март куни КХДР Сариқ денгиз томонга бир неча баллистик ракета учирган. Бу ҳақда Yonhap ахборот агентлиги хабар бермоқда.
Қайд этилишича, шу куннинг ўзида АҚШ ва Жанубий Корея ҳам кенг кўламли ҳарбий машғулотларни бошлаган. Шимолий Корея ТИВ ушбу машғулотларни “таҳдидли уруш репетицияси” деб атаб, улар Корея яриморолидаги вазиятни чигаллаштираётганлигини таъкидлаган.
Пхенян мазкур машғулотлар АҚШ хавфсизлигига ҳам салбий таъсир кўрсатишини билдирди ва бунга жавобан минтақада тинчликни мустаҳкамлаш бўйича ҳаракатларини кучайтиришини эълон қилди.
Жанубий Корея Қуролли кучларининг Бош штаб қўмондонлиги маълумотига кўра, ракета учирилиши маҳаллий вақт билан соат 13:50 да КХДРнинг ички ҳудудида жойлашган Хванхе провинциясида қайд этилган.
Ёнҳапънинг хабарига кўра, бу Қўшма Штатларнинг Трамп инаугурациясидан кейинги КХДРнинг илк баллистик ракета синови ҳисобланади.
Аввалроқ, Шимолий Корея ортиб бораётган ташқи таҳдидлар фонида ядровий қарама-қаршиликка тайёрлигини ошириши кераклигини маълум қилганди.
16°
Кечаси 5°
