“Женева хавфсизлик сиёсати маркази томонидан тайёрланган ҳужжатга кўра, уришаётган томонларни ажратиш учун камида 10 км кенгликдаги буфер зонани яратиш ва уни патруль қилиш учун 5000 нафар тинч аҳоли вакиллари ҳамда полиция ходимларини ажратиш таклиф этилмоқда”, – деб ёзмоқда The New York Тimes.
Шунингдек, ўт очишни тўхтатиш режимига риоя қилинишини кузатиш учун 1200 километрдан ортиқ бўлган фронт чизиғи бўйлаб 10 минг нафаргача хорижий давлат ҳарбийлари жойлаштирилиши мумкин. Ушбу миссия БМТ мандати асосида фаолият юритиши кўзда тутилмоқда.
Ҳужжатни тайёрлашда Украина, Россия, АҚШ ва Европа Иттифоқи вакиллари қатнашган. Улар барча муҳокамаларда аноним тарзда иштирок этди.
Шу билан бирга, кўплаб мутахассисларнинг фикрига кўра, бу каби режанинг муваффақиятли амалга ошиш имконияти Владимир Путиннинг позицияси туфайли хавф остида қолиши мумкин.
“Агар Россия президенти Украинага янги ҳужум бошлашга қарор қилса, ҳеч қандай кузатув миссияси уни тўхтата олмайди”, – дейилади мақолада.
27°
Кечаси 17°
