Япония қирғоқларида кимёвий моддалар олиб кетаётган танкер ағдарилиб кетди. Чоршанба куни эрталаб Жанубий Кореянинг Keoyoung Sun кемасидан қирғоқ қўриқлаш хизмати авария сигналини олди. У жануби-ғарбий Муцуре ороли қирғоғида бўлган. Бу ҳақда “Euronews” хабар берди.
Қайд этилишича, қутқарувчилар етиб келгунига қадар танкер ағдарилиб кетган.
Кема бортида эса 11 киши – Жанубий Корея, Хитой ва Индонезия фуқаролари бўлган.
Хабар қилинишича, улардан саккиз нафари ҳалок бўлган. Экипажнинг яна бир аъзоси тирик қолган. Икки киши бедарак йўқолган. Танкер 980 тонна акрил кислотани ташиган. У елим, бўёқ ва жило ишлаб чиқаришда қўлланилади.
Ушбу кимёвий модда терини, кўзларни ва турли органларнинг шиллиқ пардаларига зиён келтириши мумкин. Ҳозирча кемадан кимёвий моддалар сизиб чиққани ҳақида хабарлар келиб тушмаган.
Аммо расмийлар профилактика чораларини кўрмоқда.
Кеманинг ағдарилиши сабаблари ҳозирча номаълум. Минтақада об-ҳаво ноқулай бўлган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!