Fransiyada fermerlar narxlarning oshishi va davlat subsidiyalarining qisqartirilishidan norozi bo‘lib, 85 ta bo‘limda yo‘llarni to‘sib qo‘yishdi. Bu haqda “Euronews” xabar berdi.

Qayd etilishicha, unda Fransiyadagi qishloq xo‘jaligi ishchilarining norozilik namoyishlarida ko‘p namoyishchilar qatnashmoqda.

“Biz qishloq xo‘jaligini hamma narsadan ustun qo‘yishga qaror qildik. Bu Fransiya qishloq xo‘jaligi, butun dehqonchilik dunyosi, Oksitaniya mintaqasi va butun Fransiya dehqonlari uchun muhim kun”, – dedi Gabriel Attal.

Bosh vazirning va’dalaridan so‘ng, faollar ba’zi avtomagistrallardagi to‘siqlarni demontaj qilishlarini e’lon qilishdi. Ammo norozilik harakati hali ham nihoyasiga yetgani yo‘q.

Shuningdek, Fransiyadan tashqari, Germaniya, Ruminiya va Polshada ham fermerlarning norozilik namoyishlari bo‘lib o‘tmoqda. Bunda asosan qishloq xo‘jaligi xodimlari dizel yoqilg‘isi narxi, azot va issiqxona gazlari chiqindilarini kamaytirish talablaridan norozi.

• Fransiya
• fermer
• norozilik