2021-yilda xalq ta’limi tizimi tashkilotlari hamda maktabgacha ta’lim tizimida jami 19 mingga yaqin mehnat munosabatlariga oid qonunbuzilishlarga yo‘l qo‘yilgan.
Bu haqda Bandlik va mehnat munosabatlari vazirligi axborot xizmati rahbari Mavjuda Mirzayeva ma’lum qildi.
Ma’lum qilinishicha, Davlat mehnat inspeksiyasiga 2021-yil davomida mehnat munosabatlariga oid jami 24 mingdan ortiq murojaatlar kelib tushgan bo‘lib, shundan, 14 455tasi qanoatlantirilgan, 8 784tasiga tushuntirish berilgan. Shuningdek, 16 105ta tashkilot va korxonalarda o‘rganishlar o‘tkazilgan va mehnat sohasiga oid 11 963ta qonunbuzilish holatlari aniqlangan.
O‘tkazilgan o‘rganishlar davomida qonunbuzilishi holatlarni bartaraf etish maqsadida ish beruvchilarga 1000ta yozma ko‘rsatma hamda 2 169ta taqdimnoma kiritilib, 11 141 nafar mansabdor shaxslarga nisbatan 20 mlrd. so‘mdan ortiq ma’muriy jarimalar qo‘llanilgan.
Qonunbuzilishlar sohalar bo‘yicha tahlil qilinganda:
– 11 216 ta holatda xalq ta’limi tizimidagi tashkilot va umumta’lim maktablarida;
– 7 613 ta maktabgacha ta’lim muassasalarida;
– 3 788ta tibbiyot muassasalarida;
– 2 912ta holatda qurilish sohasida;
– 891ta holatda oliy va o‘rta maxsus ta’lim muassasalarida;
– 1 033ta holatda sanoat korxonalarida;
– 5 72ta holatda transport sohasida;
– 268ta holatda savdo va xizmat ko‘rsatish korxonalarida mansabdor shaxslar tomonidan xodimlarning huquqlari buzilgan.
2021-yilda mehnat va mehnatni muhofaza qilish qonunchiligiga rioya etilishi yuzasidan 27 471ta (2020-yilda – 19 226ta) tekshirish va o‘rganishlar o‘tkazildi. Tekshirishlarning umumiy sonidan 3 054tasi rajali tartibda, 24 417tasi fuqarolar va yuridik shaxslarning murojaatlari bo‘yicha o‘tkazilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!