Marg‘ilonda Gentra ko‘chada o‘ynab o‘tirgan yosh bolani bosib ketgani aks etgan video tarqalgandi. Farg‘ona viloyati IIB haydovchiga nisbatan jinoyat ishi qo‘zg‘atilganini ma’lum qildi.

Ma’lum qilinishicha, voqea 2025-yil 10-may kuni Marg‘ilon shahar Zuhro ko‘chasida sodir bo‘lgan. 1970-yilda tug‘ilgan fuqaro D.A. Lacetti rusumli avtomobilini boshqarib ketayotib, 2022-yilda tug‘ilgan A.A.ni urib yuborgan.

Ko‘chada o‘rnatilgan kuzatuv kamerasiga muhrlangan videoda avtomobil yo‘lda o‘ynab o‘tirgan bolaning ustidan bosib o‘tgani, haydovchi bolaning baqirganini eshitmay, o‘z yo‘lida davom etib, hodisa joyidan ketib qolgani aks etgan. Oqibatda tan jarohati olgan bolakay shifoxonaga yotqizilgan. IIB xabarida aytilishicha, hozirda uning ahvoli yaxshi holatda.

Mazkur holat yuzasidan Jinoyat kodeksining 266-moddasi 1-qismi (transport vositalari harakati yoki ulardan foydalanish xavfsizligi qoidalarini buzish) hamda 117-moddasi (xavf ostida qoldirish) bilan jinoyat ishi qo‘zg‘atilib, yakuniga ko‘ra tegishli sudlovga yuborish chorasi ko‘rilgan.

Shuningdek, Farg‘ona viloyati IIB ota-onalarga murojaat qilib, farzandlarini qarovsiz qoldirmaslikka chaqirgan.

• Farg‘ona
• IIB
• Jinoyat
• Lacetti
• Marg'ilon