Kecha, 29-yanvar kuni soat taxminan 16:15 larda Nukus shahri “Temir yo‘l” mahallasi 22 kichik tuman 8/1-uyning 4-qavatida joylashgan xonadonlarning birida gaz va havo aralashmasining chaqnashi tufayli portlash sodir bo‘lgan.

Oqibatda uydagi bir nechta xonadonlarning tom va pol qismlari o‘pirilib, 4-qavatdan 1-qavatgacha tushib ketgan.

Xodisa sabab 2 nafar fuqaro, ya’ni 2003-yilda tug‘ilgan S.Sh. va 2004-yilda tug‘ilgan Z.A., kuyish jaroxati olgan va zudlik bilan Respublika shoshilinch tibbiy yordam ilmiy markazi Qoraqalpog‘iston Respublikasi filialiga yotqizilgan.

Shuningdek, ushbu uyda yashab kelayotgan qolgan fuqarolar evakuasiya qilinib, vaktinchalik uy-joy va uch mahal issiq ovqat bilan ta’minlandi.

Keyinchalik ma’lum bo‘lishicha, bino vayronalari orasidan qidiruv-qutqaruv ishlari olib borish jarayonida bir nafar fuqaroning jasadi topilgan.

Shuningdek, Nukus shahrida yuzaga kelgan vaziyat oqibatlarini bartaraf etish jarayonida 5 yoshli Tirnakova Elvira bino konstruksiyalari orasidan qutqarib olindi.

Ayni vaqtda binoning konstruksiyalarini tozalash ishlari davom etdirilmoqda.

• Nukus
• O'lim
• portlash