Chegarasiz muxbirlar (“Reporters without borders”) tashkilotining 2022 yilgi matbuot erkinligi indeksida (“World Press Freedom Index 2022”) O‘zbekiston 133-o‘ringa ko‘tarildi, avvalgi reytingda esa 157-o‘rinda qayd etilgan edi.

Hisobotda qayd etilishicha, ayni vaqtga kelib 5 nafar mahalliy jurnalist hibsda saqlanmoqda, joriy yilda hech bir jurnalist hayotiga suiqasd uyushtirilmagan. Biroq davlat hokimiyatini tanqid qilish murakkabligicha qolmoqda.

Kutilganidek, reytingda Skandinaviya mamlakatlari yetakchilik qilmoqda. Norvegiya, Daniya, Shvesiya, Estoniya, Finlyandiya, Irlandiya, Portugaliya va Kosta-Rika ushbu matbuot erkinligi indeksida yuqori pog‘onada qayd etilgan.

Markaziy Osiyo davlatlari orasida eng yaxshi natijaga ega Qirg‘iziston 98-o‘rinni band etgan.

Matbuot erkinligi indeksi Chegara bilmas muxbirlar tashkiloti tomonidan mamlakatlarning 2002 yildan beri tuziladigan va chop etiladigan yillik reytingi bo‘lib, tashkilotning o‘tgan yilgi matbuot erkinligi bo‘yicha qayd etgan natijalariga asoslanadi.

CHBMT har bir mamlakatda jurnalistlar, axborot tashkilotlari va internet foydalanuvchilarining erkinlik darajasi hamda rasmiylar tomonidan ushbu erkinlikni hurmat qilishga qaratilgan sa’y-harakatlarni aks ettirish niyatida. Chegara bilmas muxbirlar tashkiloti indeksi faqat matbuot erkinligi va jurnalistika sifatini o‘lchamaydi, balki inson huquqlari masalasiga ham e’tibor qaratiladi.

• Matbuot
• O‘zbekiston
• Portugaliya