34°
Kechasi 22°
O‘zbekiston milliy terma jamoasi o‘z tarixida ilk bor Jahon chempionati final bosqichiga yo‘llanma oldi. Temur Kapadze boshchiligidagi jamoa Abu-Dabi shahrida BAAga qarshi bahs olib bordi va o‘yin 0:0 hisobidagi durang bilan yakunlandi. Bu bir ochko O‘zbekistonga Amerika maydonlarida bo‘lib o‘tuvchi mundialga “chipta”ni taqdim etdi.
“Daryo” nashri bergan ma’lumotlarga ko‘ra, AQSh, Meksika va Kanada mezbonlik qiladigan jahon chempionatiga yo‘llanma olgan terma jamoa futbolchilariga mukofot tariqasida BYD Champion rusumidagi avtomobillar sovg‘a qilinadi. Shuningdek, prezident Shavkat Mirziyoyev terma jamoa a’zolari bilan telefondagi suhbatda ular “O‘zbekiston Iftixori” faxriy unvoni bilan taqdirlanishi haqida ma’lum qilgan edi.
Ma’lumot uchun, O‘zbekiston terma jamoasi a’zolari bugun, 6-iyun kuni soat 16:00 da O‘zbekistonga qaytib kelishi rejalashtirilgan.
Futbol bo‘yicha JCh–2026 turniri 11-iyunda 19-iyulga qadar AQSh, Meksika va Kanada yashil maydonlarida bo‘lib o‘tadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
