Vazirlar Mahkamasining qarori bilan IT-Park University tashkil etiladi. Bu haqda Telegram’dagi “Nigoh” kanali xabar berdi. 

Qayd etilishicha, universitet mas’uliyati cheklangan jamiyat shaklidagi axborot texnologiyalari sohalari bo‘yicha kadrlar tayyorlovchi nodavlat oliy ta’lim tashkiloti hisoblanadi. Universitetda ta’lim faoliyati 2022/2023-o‘quv yilidan boshlanadi. Talabalarni o‘qitish to‘lov-kontrakt asosida amalga oshiriladi.

Shuningdek:

• ta’lim jarayoni kredit-modul tizimi asosida tashkil etiladi;
• universitetda o‘qitish axborot-kommunikatsiya texnologiyalaridan hamda internet jahon axborot tarmog‘idan foydalangan holda masofaviy ta’lim shaklida olib boriladi, shuningdek, Ta’lim to‘g‘risidagi qonunga muvofiq boshqa ta’lim shakllarida ham amalga oshirilishi mumkin;
• bitiruvchilarga O‘zbekistonda oliy ta’lim to‘g‘risidagi hujjat sifatida tan olinadigan universitet tomonidan belgilangan namunadagi diplom beriladi.

• IT
• O‘zbekiston
• Ta'lim
• Universitet