Joriy yilning 5 may kuni Termiz shahridagi “Alpomish” kurash majmuasi tomining bir qismi qulab tushgan. Holatga Qurilish vazirligi rasmiy munosabat bildirdi.

Qayd etilishicha, Termiz shahri Alpomish mahallasi Navbahor ko‘chasi 1-uy manzilida joylashgan “Alpomish” kurash majmuasi binosida sodir bo‘lgan texnogen tusdagi favqulodda vaziyat joyida ko‘rib chiqilganda quyidagilar aniqlandi:

- kurash zalining umumiy maydoni 2800 kv.metr bo‘lib, hozirgi kunda kurash zali tomining bir qismi buzilib, yerga qulab tushgan (tahminan 1700 kv.metr);
- kurash zalining tom qismi murakkab konstruktiv yechimli bo‘lib, “Kislovodsk” tipidagi fazoviy metall konstruksiyalardan foydadanilgan;
- buzilgan tom qismi yaroqsiz holatda;
- kurash zali binosi 1999 yilda qurilgan.

Ta’kidlanishicha, kurash majmuasi xodimlari sog‘lig‘iga hech qanday zarar yetmagan.