32°
Kechasi 20°
O‘zbek sportchisi Doxada tayanib sakrash bo‘yicha oltin medalni qo‘lga kiritdi. Bu haqda MOQ matbuot xizmati xabar berdi.
Ayni kunlarda Qatar poytaxti Doxa shahrida sport gimnastikasi bo‘yicha Jahon kubogining navbatdagi bosqichi bo‘lib o‘tmoqda. Unda ishtirok etgan o‘zbekistonlik afsonaviy sportchi Oksana Chusovitina o‘zining navbatdagi g‘alabasini qo‘lga kiritdi.
Tokio-2020 litsenziati kutilganidek, tayanib sakrash yo‘nalishida ishtirok etdi va eng yuqori ball to‘plagan holda, oltin medalni qo‘lga kiritdi. Taʼkidlanishicha, bu musobaqa Oksana Chusovitina uchun bo‘lajak Olimpiada oldidan o‘ziga xos tayyorgarlik vazifasini bajarib berdi.
Jahon kubogi, Doxa. Tayanib sakrash, ayollar:
1. Oksana Chusovitina (O‘zbekiston) – 14.066
2. Devilar Kolin (Fransiya) – 13.966
3. Taman Nensi (Misr) – 13.366
Eslatib o‘tish joiz, 44 yoshli sportchi 2019-yil Germaniyaning Shtutgart shahrida o‘tkazilgan sport gimnastikasi bo‘yicha jahon chempionatidagi ishtiroki orqali Tokio-2020 Olimpiya o‘yinlariga yo‘llanmani qo‘lga kiritgan edi.
Ma’lumot uchun, Chusovitina Jahonda sport gimnastikasi bo‘yicha Olimpiya o‘yinlarida eng ko‘p qatnashchisi hisoblanib, u 1992, 1996, 2000, 2004, 2008, 2012 hamda 2016 yillarda Olimpiya o‘yinlarida ishtirok etgan. Kelgusidagi ishtirok Chusovitina uchun faoliyatidagi sakkizinchi Olimpiada bo‘ladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
