Сурхондарёда ҳайдовчи йўл четида турган пиёдаларни уриб кетди. Оқибатда улардан бири вафот этди. Бу ҳақда вилоят Йўл ҳаракати хавфсизлиги бошқармаси хабар берди.

Қайд этилишича, жорий йилнинг 24 декабрь куни соат тонгги 6:30 да М-41 халқаро автомобиль йўлининг Шўрчи туманидан ўтган қисмида тезликни оширган ва йўл четида турган икки фуқарони уриб юборган. Оқибатда улардан бири воқеа жойида вафот этган. Яна бири шифохонага жўнатилган. Cobalt эса ағдарилиб кетган.

Ҳайдовчи ҳодиса рупарадан келаётган автомобиль таъсирида содир бўлганини таъкидлаган ва машинаси текширилганда сўнгги 40 кунда тезлик ошириш билан боғлиқ 8 та қоида бузарлик содир этгани аниқланган.

Ҳолат юзасидан Жиноят кодексининг тегишли моддалари билан жиноят иши қўзғатилган.

• Ҳайдовчи
• Жиноят
• Сурхондарё
• ЙҲХБ
• ЙПХ