Андижонда чегарадан ноқонуний олиб кирилган пиротехника воситаларини олиб кетаётган ҳайдовчи ушланди. Бу ҳақда вилоят ИИБ матбуот хизмати хабар берди.

Қайд этилишича, жорий йилнинг 9 декабрь куни Андижон вилояти ИИБ, Божхона бошқармаси ҳамда Миллий гвардия Андижон вилояти Қўриқлаш бошқармаси ходимлари билан ҳамкорликда тезкор тадбир ўтказилган. Ушбу жараён давомида Шаҳрихон туманида яшовчи фуқаро Ю.Б бошқарувидаги оқ рангли “Cобалт” русумли автотранспорт воситаси Шаҳрихон тумани “Чўжа” МФЙ ҳудудида тўхтатилиб кўздан кечирилган. Текширув ишлари натижасида автомашина салонида Ўзбекистон Республикасига ноқонуний олиб кирилган 2 минг 880 та қутида “Британик” номли пиротехника воситалари борлиги аниқлаган.

Шундан сўнг, умумий қиймати 20 миллион 116 минг 800 сўмлик бўлган пиротехника воситалари далилий ашё тариқасида олинган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.

• Андижон
• Пиротехника