Самарқандда ўтган Ўзбекистон-Германия олий даражадаги музокаралари натижасида “Миграция ва мобиллик соҳасида ҳар томонлама шериклик тўғрисида” ҳукуматлараро битим ҳам имзоланди. Ушбу битим 25 та моддадан иборат.

Келишувга кўра, томонлар ўртасида қуйидаги соҳаларда ҳамкорлик ўрнатиш ва ривожлантириш кўзда тутилган:

– Икки давлат ҳудудида меҳнат фаолиятини амалга оширишни мақсад қилган малакали мутахассислар, шу жумладан, талабалар ва касбий таълим олаётган шахслар ҳамда журналистлар ва олимларнинг адолатли мобиллигини рағбатлантириш;

– Меҳнат фаолиятини амалга ошириш мақсадида вақтинча миграцияни рағбатлантириш ва соддалаштириш;

– Касбий таълим ва малака ошириш сабабига кўра, ҳамда меҳнат фаолиятини амалга ошириш мақсадида давлатда узоқ муддат бўлишни рағбатлантириш;

– Ноқонуний миграция ва мигрантларни ноқонуний олиб киришнинг олдини олиш ва уларга қарши курашиш;

– Меҳнат эксплуатацияси, мажбурий меҳнат ва одам савдоси олдини олиш ва уларга қарши курашиш ҳамда жабрланувчиларни ҳимоя қилиш;

– Икки давлат ҳудудида яшаш ёки кириш шартларини бажармаган фуқароларни қайтаришни соддалаштириш.

• Битим
• Германия