Европа комиссияси iОS операсион тизими фойдаланувчилари учун мусиқа стриминг хизматлари бозоридаги устун мавқейини суиистеъмол қилгани учун Аpplе компаниясини 1,8 миллиард евродан ортиқ жаримага тортди. Бу ҳақда 4 март, душанба куни эълон қилинган ЕК пресс-релизида маълум қилинди.

Текширув натижаларига кўра, Аппле компанияси Европа Иттифоқининг монополияга қарши қонунларини бузган ҳолда, тахминан 10 йил давомида мусиқа стриминги иловаларини ишлаб чиқувчиларга iОS фойдаланувчиларини Аpp Store дўконидан ташқарида мавжуд бўлган муқобил ва арзонроқ мусиқа обуна хизматлари ҳақида хабардор қилишни тақиқлаб қўйган.

Европа комиссиясининг пресс-релизида қайд этилишича, компания сиёсати "фойдаланувчи тажрибаси ёмонлашувига" олиб келган бўлиши мумкин, чунки Аpplе қурилмалари эгалари Аpp Storе иловасидан ташқарида яхшироқ таклифларни излаш учун мураккаб қидирувларни амалга оширишга мажбур бўлиши керак эди.

Айтиб ўтиш жоизки, Аpple’га нисбатан суриштирув 2019 йилда Spotify striming хизмати томонидан Америка компанияси устидан шикоят қилинганидан кейин бошланган.

• Apple