Профессионал бокснинг супер оғир вазн тоифасида ҳаракат қилаётган Баҳодир Жалолов (9-0, 9КО) навбатдаги жанги олдидан ўз фикрлари билан ўртоқлашди.
“Супер оғир вазн тоифасида ҳамма мен ҳақимда тасаввурга эга ва барчаси биладики, чўққига чиқишим — бу вақт масаласи, холос.
“Probellum” ва “DiBella Entertainment” орқали мен имкон бўлиши билан жаҳон чемпионига айланаман. Аммо аввалига Соколовскини енгишим керак. Яқин ҳамма супер оғир вазн тоифасининг бўлажак чемпиони эканимни тушуниб етади”, –деди Жалолов.
Ўзбекистонлик боксчи проф рингдаги навбатдаги жангини 18 март куни ўтказади. Дубайда бўлиб ўтадиган бокс оқшомида Жалоловга полшалик Камил Соколовски рақиб бўлади.
Маълумот учун, Жалолов проф боксда умумий ҳисобда 9 та жанг ўтказиб, уларнинг барчасида рақибларини нокаутга учратган. У сўнгги жангини декабр ойида колумбиялик Хулио Сезар Калименога қарши ўтказиб, биринчи раунддаёқ нокаут билан ғалаба қозонган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!