Белоруссияда депутатлар террорчилик ҳужумига уриниш учун ўлим жазоси жорий этилиши тўғрисидаги қонун лойиҳасини қабул қилди. Бу ҳақда Беларус парламенти қуйи палатаси матбуот хизмати маълум қилган. 

“Беларус Республикасининг жиноят кодексига ўзгартиришлар киритиш тўғрисида”ги қонун лойиҳаси икки ўқишда қабул қилинди”, – дейилади Вакиллар палатаси матбуот хизмати баёнотида. 

Қонун лойиҳаси бузғунчи унсурларга нисбатан тўхтатувчи таъсир кўрсатиш, шунингдек, давлатнинг террорчилик фаолиятига қарши қатъий кураш олиб боришини намойиш этиш мақсадида тайёрланган. Хусусан, қонун лойиҳасида Жиноят кодексига террорчилик ҳаракатларига уриниш учун ўлим жазосини қўллаш таклиф этилган. 

Маълумот учун, аввалроқ Беларус Олий суди NEXTA норасмий гуруҳини террорчи ташкилот деб тан олган ва мамлакатда фаолиятини тақиқлаган эди. Шунингдек, NEXTA Live ва Luxta ташкилотларининг таркибий бўлинмалари ҳам террорчи деб тан олинган

• Беларусь
• Конституция
• O'lim jazosi
• Қамоқхона
• Терроризм