Маълумотларга кўра, 4 май куни Озарбайжон ташқи ишлар вазири Жейҳун Байрамов Гамбияга амалий ташрифи доирасида Марокаш Қироллиги ташқи ишлар вазири, Африка ва марокашликлар билан ҳамкорлик вазири Носир Боурита билан учрашди. Бу ҳақда мамлакат ТИВ ахборот хизмати хабар бермоқда.

Хабарга кўра, учрашув чоғида Озарбайжон Республикаси ва Марокаш Қироллиги ўртасидаги икки томонлама муносабатларнинг турли жиҳатлари юзасидан фикр алмашилган.

Шунингдек, вазир Жейҳун Байрамов икки давлат ўртасидаги ҳамкорликнинг бугунги кун тартибига тўхталар экан, Озарбайжон ва Марокаш ўртасида савдо, энергетика, таълим, парламентлараро алоқалар ва бошқа соҳалардаги ҳамкорликни ривожлантириш учун кенг имкониятлар мавжудлигини таъкидлади.

Учрашувда вазирлар икки давлат ўртасида умумий фуқаролик паспорти эгалари учун виза режимини бекор қилиш тўғрисидаги битимни имзоладилар.

• Марокаш
• Озарбайжон
• Tashqi ishlar vazirligi